Ziya Məmmədovun prorektor qardaşı kolektivə təqdim olundu – TƏYİNAT

SON XƏBƏRLƏR Sosial
Loading...

Azərbaycan Respublikası Təhsil nazirinin əmri ilə Elton Məmmədov Azərbaycan Texniki Universitetində (AzTU) Strateji inkişaf üzrə prorektor təyin edilib.

AzTU-nun rektor əvəzi, professor Xalıq Yahudov universitetdə yeni təsis edilən Strateji inkişaf üzrə prorektor vəzifəsinə təyin olunan Elton Məmmədovu kollektivə təqdim edib.

Bu barədə Modern.az-a ATU-nun İctimaiyyətlə əlaqələr şöbəsinin müdiri Nicat Abdullayev məlumat verib.

Elton Arzuman oğlu Məmmədov 1954-cü ildə Ucar rayonununda anadan olub. 2007-ci ildə “Maye yanacaqların istilik-fiziki xassələri” mövzusunda namizədlik dissertasiyası müdafiə edərək texnika üzrə fəlsəfə doktoru elmi dərəcəsi, 2013-cü ildə “Neft sənayesinin ekoloji və texniki problemlərinin nanotexnoloji aspektləri” mövzusunda doktorluq dissertasiyası müdafiə edərək texnika elmləri doktoru alimlik dərəcəsi alıb.

Xəbərin olsun:  Azərbaycanda kənd təsərrüfatında istehsal artıb

Hazırda AzTU-nun “Neft sənayesinin texnoloji, ekoloji problemləri və nanokompozitlərin tədqiqi və tətbiqi” elmi-tədqiqat laboratoriyasının rəhbəri və “Avtomobil daşımaları və yol hərəkətinin təşkili” kafedrasının professor olan Elton Məmmədov 56 elmi əsərin, 3 monoqrafiyanın, 1 ixtiranın, eləcə də ali məktəblər üçün 2 dərsliyin müəllifidir.

AzTU-dan verilən məlumata görə, E.Məmmədov rus, ingilis dilərini də mükəmməl bilir.

Xəbərin olsun:  Azərbaycanda qadınların daha çox çalışdığı sahələr açıqlanıb

Professor Elton Məmmədov 3 çağırış Azərbaycan Respublikası Milli Məclisinə deputat seçilib.

Ailəlidir, iki övladı var.

Qeyd edək ki, E. Məmmədov keçmiş nəqliyyat naziri Ziya Məmmədovun qardaşıdır.

Загрузка...