Şamaxıda son vəziyyət: 10-larla adam xəstəxanaya yerləşdirilib – RƏSMİ

Hadisə SON XƏBƏRLƏR
Loading...

Ötən axşam yerli vaxtla saat 23:31-də Pirqulu stansiyasından 11 km cənub-qərdbdə İsmayıllı ərazisində baş vermiş zəlzələ nəticəsində Şamaxı rayonunda dağıntılar qeydə alınıb.

Bu barədə Modern.az-a Şamaxı Rayon İcra Hakimiyyəti başçısının köməkçisi Təbriz Məmmədov məlumat verib.

O qeyd edib ki, hazırda vəziyyət normaldır:

“Həyat öz axarı ilə davam edir. Bəzi yerlərdə dağıntılar var. Əvvəldən zədəli olan köhnə binalarda çatlar əmələ gəlib, həyət evlərinin hasarları uçub”.

T.Məmmədov qeyd edib ki, onlarla adam xəstəxanaya yerləşdirilib:

“Buna səbəb də insanların panikaya düşməsi olub. Bəziləri küçəyə çıxanda yıxılıb, bəzilərinin həyəcandan təzyiqi qalxıb. Ümumilikdə dağıntılar altında qalan yoxdur, tələfat qeydə alınmayıb”.

Respublika Seysmoloji Xidmət Mərkəzinin yaydığı məlumata görə, ötən axşam respublika ərazisində zəlzələ baş verib. Yeraltı təkanlar yerli vaxtla saat 23:31-də Pirqulu stansiyasından 11 km cənub-qərdbdə İsmayıllı ərazisində zəlzələ qeydə alınıb. Zəlzələ episentrdə 6 bal, ətraf rayonlarda 5.3 bala qədər hiss olunub.

Загрузка...