Prezident “AzerGold”a üç milyon manat vəsait ayırdı – SƏRƏNCAM

Manşet
Loading...

Prezident İlham Əliyev Daşkəsən dəmir filizi yatağının istismara verilməsi ilə bağlı tədbirlər haqqında sərəncam imzalayıb

Sərəncama əsasən, Daşkəsən dəmir filizi yatağının istismara verilməsi ilə əlaqədar ilkin qiymətləndirmə sənədinin hazırlanması məqsədilə “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.64-cü bəndində göstərilmiş məbləğdən “AzerGold” Qapalı Səhmdar Cəmiyyətinə ilkin olaraq üç milyon manat ayrılıb.

Xəbərin olsun:  Rəsmi Bakı: “Ermənistanın sərsəm açıqlamalar verməkdən başqa çarəsi yoxdur”

Maliyyə Nazirliyi müvafiq məbləğdə maliyyələşməni təmin etməlidir.

İqtisadiyyat Nazirliyi Azərbaycan Respublikasının 2021-ci il dövlət büdcəsi layihəsində dövlət əsaslı vəsait qoyuluşu xərclərinin bölgüsündə bu Sərəncamın 1-ci hissəsində göstərilən işlərin başa çatdırılması üçün zəruri olan maliyyə vəsaitini nəzərdə tutmalıdır.

Nazirlər Kabineti bu sərəncamdan irəli gələn digər məsələləri həll etməlidir.

Bu sərəncam imzalandığı gündən qüvvəyə minir.

Xəbərin olsun:  “Sədərək Yusif” həbs edilə bilər: - Üç maddə ilə cinayət işi açıldı

Загрузка...