Polkovnik: Taktiki təlimlər Azərbaycan Ordusunun hərbi qüdrətinin artırılmasına xidmət edir

Manşet Siyasət
Loading...

“Taktiki təlimlər döyüş hazırlığının ən yüksək zirvəsidir. Belə tədbirlər Azərbaycan Ordusunun hərbi qüdrətinin, fiziki imkanlarının artırılmasına xidmət edir”.

Bunu Report-a açıqlamasında hərbi ekspert, ehtiyatda olan polkovnik Məhərrəm Cahangirov deyib.

Onun sözlərinə görə, təlimlər komandirlərdə, qərərgahlarda, şəxsi heyətdə müsbət vərdişləri möhkəmləndirir:

“Bu, həmçinin, bölmələrin, əsgərlərin idarəolunmasından tutmuş, hədəflərin məhv olunmasına qədər döyüş hazırlığının bir analizidir. Hər bir taktiki təlim komandirlərin, qərargahların işini, fəaliyyətini mükəmməlləşdirir.

Xəbərin olsun:  Dövlət başçısı: “Ermənistanın hərbi təxribatlarına görə vəziyyət mənfi məcraya doğru gedir”

Bunlar ordu üçün böyük məktəbdir. Hesab edirəm ki, təlimlərin əhəmiyyətini sözlə və rəqəmlə ifadə etmək mümkün deyil. Hər bir təlim qoşunların püxtələşməsində böyük rol oynayır”.

Ehtiyatda olan polkovnik bildirib ki, bu gün Azərbaycan Ordusu yüksək döyüş hazırlığına malikdir:

“Bildiyiniz kimi, Azərbaycan Ordusunun tez-tez hərbi təlimləri keçirilir. Hesab edirəm ki, həmin təlimlərdə qarşıya qoyulan məqsədlərə tam şəkildə nail olunur. Şəxsi heyət həmin təlimlərdə böyük təcrübə qazanır. Bu nə qədər çox olarsa, bir o qədər yaxşıdır”.

Xəbərin olsun:  Prezidentdən qərar: Karantinə nəzarət edən qurumlar...

M.Cahangirov qeyd edib ki, bu gün Azərbaycanın çox güclü ordusu var:

“Ordumuz döyüş qabiliyyətlidir, istənilən tapşırığı yerinə yetirməyə qadir və hazırdır”.

Загрузка...