Emin Milli “Meydan TV” – dən istefa verdi

flash Məlumat SON XƏBƏRLƏR
Loading...

Emin Milli “Meydan TV”nin rəhbəri postundan istefa verib.

Orman.Az “Yeni Sabah”a istinadla xəbər verir ki, E. Milli bu barədə “Facebook” sosial şəbəkəsindəki səhifəsində yazıb.

O, bunu bir postda uzun müddət qalmağı düzgün saymadığını bildirib. O, bundan sonra iş axtaracağını, yaxud yeni bir layihə üzərində çalışacağını qeyd edib.

“Mən hesab edirəm ki, hakimiyyətdə də, müxalifətdə də, mediada da, QHT-lərdə də olan rəhbərlər 20-30 il ərzində eyni vəzifədə qalmamalıdırlar.

Heç 5 ildən çox eyni vəzifədə qalmaq məsləhət deyil. Bu liderlər öz yerlərini daha gənc, daha bilikli, daha çevik kadrlara verib getmək üçün özlərində cəsarət tapmalıdılar.

Hər bir liderin ən böyük uğuru vaxtında vəzifəsindən getməkdir və arxasında elə bir komanda qoymağdır ki, o komandanın artıq sənə ehtiyacı olmasın və onlar sənsiz də işləri davam etdirə bilsinlər və daha da uğurlu olsunlar.

Düzdür risklər var, amma sən getməsən, buna cəhd etməsən, inkişafa və proqresə də imkan verməyəcəksən və nə qədər uğurlu olduğunu heç vaxt bilməyəcəksən.

Xəbərin olsun:  Zaur Kamalın verilişində daha bir biabırçılıq: "Renkanın harasını..." - VİDEO

Meydan TV Azərbaycanda ən uğurlu layihələrdən biridir. Meydan TV-nin bir-iki milyon izləyicisi var, ən etibarlı məlumat mənbəyidir, insanların gündəlik problemlərinin həlli üçün də Meydan TV bir ümid yerinə çevrilib.

Bu layihə şəxsən mənim üçün çox böyük və qürurverici idarəçilik təcrübəsi oldu.

Bu uğur ilk növbədə bizim cəsarətli jurnalistlərimizin, redaktorlarımızın, işçilərimizin zəhməti və verdikləri qurbanların hesabına mümkün olub.

Bu həbsdə olan Əfqan Muxtarlının uğurudur, işgəncələrə məruz qalan Şirinin və bir çox başqa qəhramanlarımızın uğurudur.

Adlarını çəkə bilməsəm də, bu bütün bizimlə işləyən qəhramanlarımızın uğurudur.

Bu həm də bizi bu illər ərzində dəstəkləyən hər kəsin uğurudur.

Bunu bəlkə anlamasalar da belə, bu Meydan TV-yə qarşı vuruşanların da bir uğurudur.

Yeri gəlmişkən onu da deyim ki, Meydan TV-nin maliyyə problemləri olduğu haqqda yayılan məlumatlar tam yalandır.

Bu 6 ildə Meydan TV-də heç bir korrupsiya ya yeyinti halları olmadığı üçün bizim beynalxalq donorlar arasında ən təmiz imicimiz olduğu üçün, uğurlu layihə olduğumuz üçün bizim elə bir problemimiz də yoxdur.

Xəbərin olsun:  Azərbaycanda qadınların daha çox çalışdığı sahələr açıqlanıb

Çox istəyirik ki, saytımıza daxil olub daha çox ianələr verəsiz ki, daha çox işlər görə bilək, xalqın səsi daha da ucadan gəlsin, amma bu genişlənmək və güclənmək üçün lazımdır. Heç kim bu məqamları səhv salmasın.

Bu illər ərzində bizi və məni dəstəkləyən hər kəsə bir daha səmimi olaraq təşəkkür edirəm! Bizi bir çox çıxılmaz vəziyyətlərdən çıxarda bildiz, biz də Sizlərin hesabına mümkünsüzü mümkün etdik, bağlı bir ölkədə azad media qura bildik.

Bundan sonra işsiz olacam, iş axtaracam və düşünəcəm ki, Azərbaycan üçün, xalqımız üçün, cəmiyyətimiz üçün necə faydalı ola bilərəm.

Bu dünyada harda işə düzələcəyimnən və ya hansı yeni iş/layihə quracağımnan asılı olmayaraq hər zaman olduğu kimi Azərbaycana, xalqıma, dövlətimə xidmət edəcəm.

İdman, yoqa və meditasiya ilə də hərdən məşqul olacam. Sizə də məsləhət görürəm

Загрузка...