“Azərişıq” güclü küləklə bağlı əhaliyə müraciət etdi

Manşet Məlumat
Loading...

Azərbaycanın bir sıra regionlarında güclü küləyin əsməsi “Azərişıq” ASC-ni qabaqlayıcı tədbirlər həyata keçirməyə vadar edib.

Bu barədə Oxu.Az-a qurumun mətbuat xidmətinin rəhbəri Tanrıverdi Mustafayev məlumat verib.

Onun sözlərinə görə, hazırda ölkə üzrə elektrik enerjisi təchizatında heç bir problem yoxdur:

“Bu gecədən etibarən ölkənin bir sıra dağlıq və dağətəyi regionlarında güclü külək əsməyə başlayıb. Bu küləklər xüsusən də Gədəbəy, Tovuz, Lerik və Şamaxı rayonlarında mövcuddur. Bu səbədən də “Azərişıq” baş verə biləcək qəza və kəsintilərin qarşısını almaq üçün qabaqlayıcı tədbirlər görür.

Xəbərin olsun:  İlham Əliyevdən Aprel döyüşləri ilə bağlı paylaşım - FOTO

Hazırda ölkəmizin heç bir yerində elektrik enerjisi təchizatında problem yoxdur. İstehlakçılardan xahiş edirik ki, qarşılaşdıqları hər hansı çətinliklə bağlı “Azərişığ”ın 24 saat fasiləsiz fəaliyyət göstərən 199 saylı çağrı mərkəzinə müraciət etsinlər”.

Загрузка...