Cəmiyyət
Loading...

Ümumilikdə, bütün qruplar üzrə 5751 vakant yer qalıb. Onların da 3048-i II qrupun payına düşür”.

Bunu Dövlət İmtahan Mərkəzinin Direktorlar Şurasının sədri Məleykə Abbaszadə bildirib. 

Onun sözlərinə görə, I qrupda Azərbaycan bölməsində vakant yerlər 1309-dur:

“Bu qrupda ümumi vakant yerlərin sayı 1762-dir. I qrupda Azərbaycan bölməsində 200 baldan yüksək nəticə göstərən və ali məktəbə qəbul ola bilməyən abituriyentlərin sayı 29 nəfərdir.

Əlavə yerləşdirmə zamanı ixtisas seçsələr, onlar hamısı universitetə qəbul ola biləcəklər. I qrupda 150-dən çox bal toplayanların sayı isə 2013 nəfərdir. Bu qrupda ali məktəbə qəbul ola bilməyən 1000-dən çox subbakalavr da var.

Rus bölməsində vakant yerlərin sayı daha çoxdur. Bu qrupda rus bölməsində 775 plan yerindən 176 plan yeri boş qalıb. Rus bölməsi üzrə 200 baldan yuxarı nəticə göstərib qəbul ola bilməyənlərin sayı cəmi iki nəfərdir.

Bu abituriyentlər də düzgün ixtisas seçsələr, qəbul ola biləcəklər. I qrupda rus bölməsində 150 baldan çox nəticə göstərənlərin sayı 123 nəfərdir”.

Xəbərin olsun:  Xocavənd istiqamətində döyüşlər: Qaçmaq istəyən düşmən nəqliyyat vasitəsi tapmır - RƏSMİ

Sədr bildirib ki, II qrupda ümumilikdə vakant yerlərin sayı 3048 təşkil edir:

“Bu qrupda Azərbaycan bölməsində vakant yerlərin sayı 1727-dir. Bu qrupa 200 baldan yuxarı nəticə göstərən və kənarda qalan bir abituriyent belə yoxdur. 150 baldan yuxarı nəticə göstərib qəbul ola bilməyən 46 nəfər var. Bu qrupda ali məktəbə qəbul ola bilməyən 1500 subbakalavr var. Bu qrupda rus bölməsi üzrə boş qalan yerlərin sayı 299-dur”.

M. Abbaszadə əlavə edib ki, III qrupda vəziyyət, həmişə olduğu kimi, gərgindir:

“Bu qrupda ümumilikdə vakant yerlərin sayı 296 təşkil edir. Azərbaycan bölməsində boş qalan cəmi bir vakant yer var. Rus bölməsində 283 vakant yer qalıb. Birgə müsabiqə olunan yerlər üzrə 12 yer boşdur. III qrupda 200 baldan yuxarı nəticə göstərib kənarda qalan abituriyentlərin sayı 2157 nəfərdir.

III qrupda ali məktəbə qəbul ola bilməyən 2000-ə yaxın subbakalavr var, mənə elə gəlir ki, onlar əlavə yerləşdirmə üçün sənəd verməyə bilərlər. Bəlkə də, onlar rus bölməsi üzrə qəbul oluna bilərlər, amma Azərbaycan bölməsində şansları yoxdur”.

Xəbərin olsun:  Xocavənd istiqamətində döyüşlər: Qaçmaq istəyən düşmən nəqliyyat vasitəsi tapmır - RƏSMİ

“IV qrupda ümumilikdə vakant yerlərin sayı 555-dir. Amma bu yerlərin əksəriyyəti kənd təsərrüfatı sahəsi üzrədir. Qalan vakant yerlərin 400-ü Azərbaycan, 51-i rus bölməsi üzrə, 104 yer isə birgə müsabiqə üçün təqdim olunub. IV qrupda Azərbaycana bölməsində 200 baldan yuxarı nəticə göstərib kənarda qalanların sayı 52 nəfərdir.

Onların da ali məktəbə qəbul olma şansları çox yüksəkdir. Rus bölməsində isə belə abituriyentlərin sayı 11 nəfərdir. Bu qrupda rus bölməsində təxminən 900 nəfər subbakalavr ali məktəbə qəbul ola bilməyib. Onlar da boş qalan yerlər üçün sənəd verə bilərlər”, – deyə DİM sədri vurğulayıb. 

M.Abbaszadə deyib ki, V qrupda 90 boş vakant yer qalıb, bu yerlərin hamısı xüsusi qabiliyyət tələb edən ixtisaslardır:

“Onun 46-sı Azərbaycan, beşi rus bölməsi üzrə, 39-u birgə müsabiqə üçün təqdim edilib. Qabiliyyət imtahanları ləğv olunan bütün ixtisaslar üzrə yerlərin hamısı dolub”.

Загрузка...